HaMaDa مشرف المنتدى الترفيهى
![مشرف المنتدى الترفيهى مشرف المنتدى الترفيهى](https://2img.net/i/itest/ranks/ut/ut9.gif)
![HaMaDa](https://2img.net/u/3312/64/58/60/avatars/3-21.jpg)
![ذكر ذكر](https://i.servimg.com/u/f52/12/62/07/30/i_icon10.gif) عدد الرسائل : 281 العمر : 32 العمــــــل : ![جمعية الحرنكش (الحلقة الأولى) Collec10](https://i.servimg.com/u/f31/11/43/08/71/collec10.gif) الهوايـــــه : ![جمعية الحرنكش (الحلقة الأولى) Writin10](https://i.servimg.com/u/f31/11/43/08/71/writin10.gif) توقيع المنتدى : ![جمعية الحرنكش (الحلقة الأولى) 15781610](https://i.servimg.com/u/f41/11/81/60/19/15781610.gif) تاريخ التسجيل : 31/07/2008
![جمعية الحرنكش (الحلقة الأولى) Empty](https://2img.net/i/empty.gif) | موضوع: جمعية الحرنكش (الحلقة الأولى) الإثنين أغسطس 18, 2008 12:45 am | |
| جمعية الحرنكش.......... اسم غريب لموضوع ان شاء الله ينال اعجابكم .
جمعية الحرنكش الفصل الأول المشهد الأول يكشف الستار عن صالة منزل بسيط , به أنتريه منزلى عادى , تتوسطه منضدة خشبية , و فى الركن بوفيه , فوقه جهاز كاسيت متوسط , و هناك نافذة فى مواجهة المشاهد مفتوحة على مصراعيها , و المسرح كله مضاء بأضواء مبهجة توحى بالتفاؤل و الفرح , و ماهر يرقص على نغمات الموسيقى , فى مرح شبابى , و هو يحمل صينية , عليها شفشق شراب كبير ممتلىء , و عدد من الأكواب , يضعها على المنضدة , و ينظر فى ساعته .. ماهر : ايه الحكاية ؟!.. أعضاء الجمعية اتأخروا النهارده كده ليه ؟!.. يتجه نحو نتيجة الحائط , و ينظر اليها فى اهتمام .. ماهر : لأ .. أنا مش غلطان .. النهارده الخميس .. معادهم .. أمال راحو فين . يخرج جهاز موبايل من جيبه , قائلا : - أديلهم رنه .. ايه ده ؟.. و كمان ماعنديش رصيد .. أبقى افتكر بقى أشترى كارت أول الشهر ده لو فيه فلوس . نسمع ضجيجا و ضحكا شبابيا , من خارج المسرح , قبل أن يرن جرس الباب , فيسرع ليفتحه , و يهتف : ماهر : انتوا فين يا غجر .. اتأخرتم ليه ؟! صلاح : الحرنكش .. له م الحرنكش يا عم ماهر . ماهر فى جزع : اوعى تقوللى ماجبتوش يا سى صلاح . سعد : و دى تيجى .. ده حتى القعدة من غيره ماتجوزش . ماهر : أمال هو فين يا سعد . سعد : فتحى و عمر طالعين بيه .. ده احنا دخنا السبع دوخات , على مالقينا هولك .. ماهر : حتى الحرنكش ؟! يصل فتحى و عمر , و الأول يحمل كيسا ورقيا , و يقول فى ضجر: - الحرنكش وصل . يختطف ماهر الكيس فى لهفة , قائلا : - حبيب قلبى . عمر : للدرجة دى ؟! طب احمد ربنا بقى , أن أنا و فتحى لقيناه . ماهر : و أكتر من كده كمان .. و هو جمعية الحرنكش ينفع تجتمع , من غير الحرنكش يا غجر ؟! يهتفون معا الجميع : حرنكش .. حرنكش ..الى الأبد ! ماهر : وطى صوتك يا جدع منك له .. الجيران اشتكوا م الدوشة اللى بتعملوها . صلاح : الله .. انت حتكتم نفسنا و لا ايه ؟!.. يا عم ده يوم واحد فى الأسبوع اللى بنتجمع فيه .. خلينا براحتنا بقى يا جدع . ماهر : طب و الجيران ؟! سعد : انتوا اللى بيتكم حيطانه ورق .. و المره اللى فاتت كنا سامعين جارتكم و هى بتحمى ابنها و قاعده تقوله: بس يا مجرم .. اهمد شويه .. غرقتنى . ينظر اليه ماهر فى دهشة . ماهر : بس جارتنا مش مخلفة ! فتحى : آآه .. يبقى كانت بتكلم جوزها . ماهر : جوزها مخبر فى الداخلية و كان نبطشى الخميس اللى فات . عمر : يبقى بقى ... يقاطعه صلاح : ربنا أمر بالستر . سعد : خلينا فى الحرنكش . يفرغ الكيس على النضدة , و يبدءون فى الأكل فى نهم .. عمر : املوا بطونكم كويس .. الأسبوع الجاى مفيش حرنكش . ماهر ( فى فزع ) : ليه بقى ؟! فتحى : عشان خلاص .. بح .. الميزانية خرمت . ماهر : مش حتكفى حتى الحرنكش ؟! صلاح : و انت فاكره رخيص .. ماعدش فيه حاجة رخيصة فى الزمن ده . عمر : لأ .. فيه . سعد : ايه بقى ؟! عمر : احنا . ماهر : و الله عنك حق .. أدينا أهو .. خمس شباب زى الورد , اتخرجنا بشهادات عليا , و مش لاقين وظيفة تلمنا . فتحى : ماهو من خيبتنا . صلاح : لأ و انت الصادق .. من غلبنا .. لا أبونا وزير , و لا حتى غفير .. كلنا أهلنا على قد حالهم , و لحافهم مبيكفيش حتى يغطى رجليهم .. يتبع
عدل سابقا من قبل HaMaDa في الأحد أغسطس 24, 2008 1:47 am عدل 2 مرات | |
|
Admin مدير المنتدى
![مدير المنتدى مدير المنتدى](https://2img.net/i/itest/ranks/starwars/starwars7.gif)
![Admin](https://2img.net/r/ihimizer/img101/6665/ahmeh2hx4.jpg)
![ذكر ذكر](https://i.servimg.com/u/f52/12/62/07/30/i_icon10.gif) عدد الرسائل : 359 العمر : 33 العمــــــل : ![جمعية الحرنكش (الحلقة الأولى) Collec10](https://i.servimg.com/u/f31/11/43/08/71/collec10.gif) الهوايـــــه : ![جمعية الحرنكش (الحلقة الأولى) Sports10](https://i.servimg.com/u/f31/11/43/08/71/sports10.gif) الأوسمــه : ![جمعية الحرنكش (الحلقة الأولى) 1-tama10](https://i.servimg.com/u/f30/11/69/47/70/1-tama10.gif) توقيع المنتدى : ![جمعية الحرنكش (الحلقة الأولى) 15781610](https://i.servimg.com/u/f41/11/81/60/19/15781610.gif) تاريخ التسجيل : 29/07/2008
![جمعية الحرنكش (الحلقة الأولى) Empty](https://2img.net/i/empty.gif) | موضوع: رد: جمعية الحرنكش (الحلقة الأولى) الإثنين أغسطس 18, 2008 1:41 am | |
| | |
|